أيوة بغير

لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير

واللي قالولك غيرة الراجل قِلّة ثقة او قلة فَهم
خَلْق حمير

غيرة الراجل نار في مَرَاجِل
نار بتنوّر مابتحرقش
واحنا صعايدة مبنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها
يبقى يا غُلْبها
اصلنا ناس على قد الطيبة
كلنا هيبة
والنسوان في بلادنا جواهر

طب لو عندك حتة ماس
حتخلّيها مداس للناس؟؟
ولا حتقفلي اوضة عليها بميت ترباس
يمكن حتى تأجري ليها جوزين حراس

يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل
اللي لا ليه اخر ولا اول
اللي طلعت لقيتني صعيدي

لو كان بايدي
كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟؟
هو انا كلب ؟؟

ثم العبرة ماهيش في اللبس
اصل المشكلة ماهيش في اللبس
اصل المشكلة عَندك ..
عٍندك ..

قلت حاسيبها وبكرة تحس
بعده تحس
بعده تحس
ده انا لو جبس كنت زعقت

ماشي صداقة وماشي زمالة
بس ماجَتْش على الرجالة

ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك
واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير

*****
كلمات الشاعر ..هشام الجخ

لتشفى من حالة عشقية

ليس ثمة موتى غير أولئك الذين نواريهم في مقبرة الذاكرة. اذن يمكننا بالنسيان, أن نشيع موتا من شئنا من الأحياء, فنستيقظ ذات صباح ونقرر أنهم ما عادوا هنا.

بامكاننا أن نلفق لهم ميتة في كتاب, أن نخترع لهم وفاة داهمة بسكتة قلمية مباغتة كحادث سير, مفجعة كحادثة غرق, ولا يعنينا ذكراهم لنبكيها, كما نبكي الموتى. نحتاج أن نتخلص من أشيائهم, من هداياهم, من رسائلهم, من تشابك ذاكرتنا بهم. نحتاج على وجه السرعة أن تلبس حدادهم بعض الوقت, ثم ننسى.

لتشفى من حالة عشقية, يلزمك رفاة حب, لا تمثالا لحبيب تواصل تلميعه بعد الفراق, مصرا على ذياك البريق الذي انخطفت به يوما. يلزمك قبر ورخام وشجاعة لدفن من كان أقرب الناس اليك.

أنت من يتأمل جثة حب في طور التعفن, لا تحتفظ بحب ميت في براد الذاكرة, أكتب , لمثل هذا خلقت الروايات.

كلمات أحلام مستغانمي .. من رواية عابر سرير

يا عين ما تبكيش

يا عين ما تبكيش
على رخيص و لا غالي
دا الرخيص لو ضاع
ضياعه يحلا لي
و لو يروح الغالي
مهما كانت غلاوته
ما يغلاش على اللي
ما يغلا عليه
عزيز و لا غالي.

لجام المهر

لو مهر حر و شارد
ما تلجموش بلجام
العند و العبودية
المهر الحر اللي شارد
لجامه
الحب و الحرية.

ضلي ليه محني؟!

قلبي اللي بين ضلوعي
عمره ما ريحني
و عمري أهو في لحظة
عدى ما لمحني
و ناس كانوا ف حياتي
جروح تفتحلي
و حاجات حسبتها دوا
طلعت بتجرحني
و قمر يلقاني وحدي
بضيه يدبحني
و شموس طلعت ولا
قدرت تفرحني
و الضحكة لسه عايشة
على صورة تشبهنى
و الآهه جوا دايره
رياح بتشبحني
و تشيب الشرايين
و الوحدة تمدحني
يا ناس أنا لسه واقف
طب ضلي ليه محني ؟

كلمات جيهان الشعراوي .. من كتاب بنت مين فى مصر ؟